قلعة الصيانة الالكترونيه

اهلا ومرحبا بك مهندس وفارس جديد في قلعه الصيانة الالكترونيه
نرجو ان تكون في تمام الصحه والعافيه
قلعة الصيانة الالكترونيه

نهتم بصيانه جميع الاجهزة الكهربائيه والالكترونية والكومبيوتر والستالايت وهندسه القوي الكهربائية



دخول

لقد نسيت كلمة السر

المواضيع الأخيرة

اعلن هنا

 
 

    توصيل الكهرباء للسويتش أو الأكسس بوينت عن طريق سلك النت

    شاطر
    avatar
    محمد عثمان_العملاق الصغير
    Admin

    الجنس : ذكر عدد المساهمات : 270
    الموقع : http://castle322.ahlamontada.net
    المزاج المزاج : عصبي ولكن ليس في كل الاحيان
    الدوله :

    king توصيل الكهرباء للسويتش أو الأكسس بوينت عن طريق سلك النت

    مُساهمة من طرف محمد عثمان_العملاق الصغير في الأربعاء 12 يناير 2011 - 6:52









    [ندعوك للتسجيل في المنتدى أو التعريف بنفسك لمعاينة هذه الصورة]

    هشرحلكم إن شاء الله إزاى نوصل كهربة للسويتش أو الأكسس بوينت عن طريق سلك النت .. والشرح هيكون نظرى و عملى و بالتفصيل فى فيديو ...

    [ندعوك للتسجيل في المنتدى أو التعريف بنفسك لمعاينة هذه الصورة]

    أسباب الإعتماد على الطريقة :

    1- هنوصل كهربة للسويتش أو الأكسس عن طريق كابل النت .
    2- لو إنتا حاطت سويتش عند واحد رخم وكل شوية يشيل فيشة السويتش .
    3- لو عايز تعمل ريستارت للسويتش أو تريحة تقدر تعمل دا وإنتا فى البيت .
    4- لو إنتا حاطت سويتش على سطح بيت و مفيش كهربة فوق السطح .
    5- بعض المشتركين بيفتكرو إن السويتش بيسحب كهربة كتير وميرضاش يديك كهربة من بيتة .
    6- توفير ثمن سلك الكهربة .

    [ندعوك للتسجيل في المنتدى أو التعريف بنفسك لمعاينة هذه الصورة]

    عيوب الطريقة :

    1- عدم الحرص الشديد ممكن يتسبب فى الإصابة بصدمة كهربائي و تموت فى الحال .
    2- لو سلك النت من نوع ردئ ممكن يتسبب فى فشل الطريقة اذا كان السلك أطول من 60 متر .

    [ندعوك للتسجيل في المنتدى أو التعريف بنفسك لمعاينة هذه الصورة]

    تمهيد :

    سلك النت عبارة عن 8 فرد ,,السويتش وكارت اللان و الراوتر بيستخدم 4 فرد
    من ال 8 فرد ,, يبقى كدة عندنا 4 فرد ملهومش لازمة و مبيستخدموش ... و
    هنستخدمهم فى توصيل الكهربة ... يعنى يبقى سلك النت فيه 4 فرد لتوصيل النت
    و 4 فرد لتوصيل الكهربة ...

    نجاح الطريقة بيعتمد على جودة السلك و دى نقدر نختبرها عن طريق مغناطيس
    ,,, هنقطع حتة بمقدار سنمتيمتر و تكون متقشرة و نحط ال 8 فرد على ترابيزة
    أو أى حاجة متساوية و نقرب المغناطيس منها :-

    1- إذا إنجذب 4 أطراف للمفناطيس وهما " (أبيض أزرق) - (أزرق) - (أبيض بنى) - (بنى)
    " يبقى السلك دا جودتة ضعيفة و نقدر نستخدم الطريقة بتاعتنا إذا كان طولة
    60 متر أو 70 متر بالكتير . لأن خامة الأطراف اللى هنستخدمها هتكون حديد
    مش نحاس و الحديد معروف إن جودتة ضعيفة فى توصيل الكهرباء . والسل كدا
    المنتشر فى مصر كلها .

    2- إذا لم ينجذب أى طرف للمفناطيس يبقى السلك جودتة ممتازة و نقدر نستخدم
    الطريقة بتاعتنا دى لحد 100 متر و 150 متر كمان بنجاح لأن ال 8 أطراف كلهم
    نحاس .

    3- إذا إنجذب ال 8 أطراف كلهم يبقى نرمى السلك فى الزبالة لأنة كدة كدة مش هيجيب نت أكتر من 60 متر لأن السلك مغشوش وكلة حديد ..

    [ندعوك للتسجيل في المنتدى أو التعريف بنفسك لمعاينة هذه الصورة]

    الأدوات المطلوبة :

    1- عدد 1 فيشة دكر + عدد 1 فيشة نتاية
    2- قطعتين سلك كهربة كل قطعة بطول ربع متر ( أو حسب إحتياجك )
    3- شريط لحام ( شيكارتون )
    4- سلك النت + الأراجة + قطعتين Rj .

    [ندعوك للتسجيل في المنتدى أو التعريف بنفسك لمعاينة هذه الصورة]

    الشرح نظرى :

    نخش فى الصور ... لازم تأرج سلك النت بالترتيب الموجود بالصورة دى

    [ندعوك للتسجيل في المنتدى أو التعريف بنفسك لمعاينة هذه الصورة]

    هتأرج السلك عادى جدا و بعد ما تأرجة تيجى عند قبل الأر جى بحوالى 20 سم
    كدة وتقشر السلك ,, هيظهرلك ال 8 فرد ... هتركز على الأطراف دول وتقطعهم "
    (أبيض أزرق) - (أزرق) - (أبيض بنى) - (بنى) " وهتلاقى الـ " (أبيض أزرق) - (أزرق) " ملفوفين على بعض و الـ " (أبيض بنى) - (بنى) " ملفوفين على بعض ....هتقشهرم و توصل الـ " (أبيض أزرق) - (أزرق) " مع بعض .... و توصل الـ " (أبيض بنى) - (بنى)
    " مع بعض .. كدة يبقى إتكون عندنا طرفين بدل ما كانو 4 ,,,,, نجيب حتة سلك
    الكهربة و نوصلهم فى سلك النت ,,,يعنى هنوصل طرف سلك كهربة مع الـ " (أبيض أزرق) - (أزرق) " و طرف الكهربة التانى هنوصلة مع الـ " (أبيض بنى) - (بنى)
    " ,,, و نجيب الشيكارتون ونغطيهم كلهم ,, وبعدين هنجيب الفيشة النتاية
    ونركبها فى طرف سلك الكهربة ... و دا الجهة اللى هيركب فيها السويتش...

    نيجى لطرف سلك النت التانى هنعمل نفس اللى عملناه دا و فى الأخر هنجيب
    الفيشة الدكر ونركبها فى سلك الكهربة ,, و الجهه دى اللى هتكون فى البيت
    عندك ...

    شوفتو الموضوع سهل إزاى !!!! .... أنا عارف انكو مفهمتوش حاجة .. لكن هتفهمو فى الفيديو ان شاء الله ..


    [ندعوك للتسجيل في المنتدى أو التعريف بنفسك لمعاينة هذه الصورة]

    الشرح عملى :

    الشرح موجود فى فيديو مدتة 17 دقيقة مساحتة 300 ميجا على جزأين بدون ضغط

    [ندعوك للتسجيل في المنتدى أو التعريف بنفسك لمعاينة هذا الرابط]

    [ندعوك للتسجيل في المنتدى أو التعريف بنفسك لمعاينة هذا الرابط]


    [ندعوك للتسجيل في المنتدى أو التعريف بنفسك لمعاينة هذه الصورة]


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

    bnhwe

    الجنس : ذكر عدد المساهمات : 1
    الدوله :

    king رد: توصيل الكهرباء للسويتش أو الأكسس بوينت عن طريق سلك النت

    مُساهمة من طرف bnhwe في الأربعاء 19 سبتمبر 2012 - 5:05

    شكرا و انا هجربها بكره باذن الله

    seifaldenn

    الجنس : ذكر عدد المساهمات : 1
    الدوله :

    king رد: توصيل الكهرباء للسويتش أو الأكسس بوينت عن طريق سلك النت

    مُساهمة من طرف seifaldenn في الجمعة 12 ديسمبر 2014 - 16:01

    شكرااا Cool

    rafaat

    الجنس : ذكر عدد المساهمات : 1
    الدوله :

    king رد: توصيل الكهرباء للسويتش أو الأكسس بوينت عن طريق سلك النت

    مُساهمة من طرف rafaat في الأربعاء 25 فبراير 2015 - 0:43

    شكرااا

      الوقت/التاريخ الآن هو الخميس 23 نوفمبر 2017 - 22:12